阿鬼
今次區選親中建制派輸曬，有人話林鄭同北京一早預咗，但唔代表佢地之後會放軟手腳，會唔會有更多網絡言論戰。我地其實一路都唔鼓勵單方向接收資訊，所以我地記者盡量兩邊都睇。雖然我地都認寫出黎都係偏頗，但最少收風唔希望淨係知道一邊，否則對家點樣再安慰或激發支持者更團結，我地永遠唔知。
好似上面呢個廣告咁，已經存在成五日，都未消失或被report。
我地唔係話支持政府就一定要report ad，我地只係覺得呢個廣告明顯係dehumanise把抗爭者唔當係人，早就唔應該出現。
有人話Facebook香港親中嘅人較多，所以扮睇唔到。我地唔想相信，亦唔希望係咁。但匯報機制差成咁，我地winandmac Media決定做多少少嘢。
若果你地Facebook發現有呢種情況（留意只係明顯違規，支持政府但無話人曱甴嘅唔計），試過report好多次，官方回覆都係唔肯移除嘅話，歡迎你地inbox或留言話俾我地知，又或電郵至 tips-hk AT winandmac.com。我地作為傳媒，有direct contact，每隔一段時間就直接搵Facebook香港傳媒公關代表，問下佢地咩事，點解乜都唔做。
我地覺得咁樣亦都有助我地分析，香港Facebook其實有無好好處理呢啲問題，一或佢地係極度偏頗。
雖然我地工作量或者會多咗，但真係唔想再忍受呢啲納粹式言論。我地會盡量回覆大家嘅查詢。若果無覆到希望大家唔好太介意，我地人手唔多但都想盡力做。
我地唯一要求，就係大家多啲去我地個網站，近排人流表現好似無咁好，影響收入，所以希望大家得閒就㩒下：winandmac.com！
