阿鬼
黃浩早前以4億賣走《都市》，如今終於一如佢所願，買到壹傳媒旗下的壹週刊。上星期尾已有相關傳言傳出，但當時有人引述2013年一篇報道，指黎智英不會賣盤，當時他還扯火稱：賣咗我一世變契弟。
[the_ad id=”41111″]
雖然今次賣盤僅限《壹週刊》，但有傳黎智英遲早會把整間壹傳媒賣走，會否遲早全落入黃浩，目前仍未清楚。兩年前黎智英出席電台訪問時，被問到會否賣走旗下刊物，黎智英指有民主責任，稱又唔係老婆大咗肚無錢：「賣咗我一世變契弟，點肯做呀，我而家又唔係冇錢。」可是，如今年蝕超過2億的壹週刊正式賣走。
今次蘋果壹傳媒將出售集團內多本雜誌，當中包括香港《壹週刊》、台灣《壹週刊》、《Next+One》、《ME!》，以及已停刊的《忽然壹周》、《Face》及《Face》的前身《壹本便利》，接受W Bros.Investments公司收購，作價5億元，3.2億元是付予壹傳媒的，另1.8億元是注入雜誌業務。壹傳媒在雜誌市場上僅保留《飲食男女》、《交易通/青雲路》三個品牌。
