Luís Figo費高BB唔踢波去做乜？　　搞免費app話「我唔需要錢囉」

Luís Figo費高都無去踢波，咁究竟去咗搞乜？原來佢同另一位拍檔João Guerra，走咗去搞Dream Football。呢單嘢都同足球有關，因為其實費高BB打算透過呢個平台，幫小朋友或其他對踢波有興趣的人，可以有機會向全球球會，證明自己的能力。被問到單嘢點賺錢，佢串咀到話「我唔需要錢囉」。

費高間公司今日係Web Summit 2016中談到，佢推出咗新嘅app。新app俾世界上任何一個足球員或有興趣踢波的，可以好簡單咁，拍低自己的技術。全球的球會都有機會睇到，若果佢地啱心水，分分鐘可以搵你加入佢嘅球會。有關服務完全免費，所以主持人先問究竟點賺錢，不過費高就話唔需要錢咁話。

費高又講到佢以前開始只係街踢波，而且佢踢的時候，無呢啲咁嘅平台，要跟足教練，唔聽話可能隨時被OUT，而且就算你有才能，都未必咁容易被人留意到。佢希望話用呢個app，可以幫到大家咁話。

談到足球是否變成商品，費高都承認，而家球會其實都已經係公司化經營，但唔代表對足球無熱誠咁話。