觀眾數目大跌　　香港電視咁快見底？

香港電視開台兩星期，《蘋果日報》指觀眾數目大跌20萬，平均每日最多只有35.7萬人收睇，唔通維基真係咁快見底？

講真，香港電視現時的節目真係太少，來來去去都是幾款，很難維持高人流。其次，現時香港電視的模式比較像網台，只要上網就可以隨時選看節目，未能形成一個要「坐定定」、大家一齊追睇節目的慣性，而且一去到上網煲劇的話，網上的選擇就多了很多，美劇、韓劇任睇唔嬲，香港電視的製作，就要和成千上萬的網上節目競爭，難度高了很多。最後亦是最諷刺的，就是一直以來最支持香港電視開台的人，姑且估計是一些比較年青、較具知識的觀眾，他們其實已很少睇電視，可能是工作繁忙、又或者有太多其他選擇，總之對電視節目的「忠誠度」方面，比那些日日夜夜坐在家中的家庭主婦或老人家，後生一輩是相差很遠的，要吸引這批年輕人形成慣性睇電視，又或者要令到現時的「師奶」轉睇香港電視，都不是那麼容易，看來王維基正在以這些劇集來觀看大家的反應，才再決定這場硬仗如何真正開打。